திருவருட்பா - பிரார்த்தனைமாலை

போற்றேன் எனினும் பொறுத்திடல் வேண்டும்
புவி நடையாம்
சேற்றே விழுந்து தியங்கு கின்றேனைச்
சிறிதும் இனி
ஆற்றேன் எனது அரசே அமுதே என்
அருட்செல்வமே
மேற்றேன் பெருகு பொழில் தணிகாசல
வேலவனே.                  -திருவருட்பிரகாசவள்ளலார்
                                 

பொருள்: என் அரசே, அமுதமே, என் அருளாகிய செல்வமே! தேன் பெருகி வழியும் சோலைகளை உடைய திருத்தணிகை மலை வேலவனே, உலக வாழ்வாம் சேற்றிலே அறிவு மயங்கி வீழ்ந்து உன்னைப் போற்றாதிருந்த  என் குற்றத்தைப் பொறுத்து அருள் செய்ய வேண்டும்.

திருச்சிற்றம்பலம்