அப்பர் தேவாரம்

கடிகமழ் கொன்றை யானே கபாலங்கை யேந்தி னானே

வடிவுடை மங்கை தன்னை மார்பிலோர்  பாகத் தானே

அடியிணை  பரவ    நாளும் அடியவர்க் கருள்செய் வானே

கொடியணி விழவ தோவாக் கோடிகா வுடைய கோவே


காலனைக் காலாற் செற்றன் றருள்புரி கருணை யானே

நீலமார் கண்டத் தானே நீண்முடி யமரர் கோவே

ஞாலமாம் பெருமை யானே நளிரிளந் திங்கள் சூடுங்

கோலமார் சடையினானே கோடிகா வுடைய கோவே.


திருச்சிற்றம்பலம்